National Girl Child Day pual intlansiak buatsaih

Saitual District Hub for Empowerment of Women chuan January 24, 2025-a National Girl Child Day hman tur pualin nimin khan Saitual district-a hmeichhe naupang kum 12-18 inkarte tan intlansiak (marathon race) an buatsaih a, Saitual SDC Christina Lalnunfeli'n a hmanpui.

Christina Lalnunfeli chuan, National Girl Child Day chu India rama hmeichhe naupangte'n dikna chanvo an neih theih nana hmalakna pawimawh a nih thu a sawi a; hmeichhe naupang kal khawmte chu zirnaah theihtawp chhuah zel tur leh eizawnna atana hman theih tur thiam thil dangte pawh ngaihven turin a chah.

DHEW district mission coordinator Mary Malsawmkimi kaihhruaiin kal khawmte chuan thutiam an sawi rual a ni.