FSL-in inhlan tharna hun hmang

Forensic Science Laboratory (FSL) Directorate-a thawktute chuan January 16, Ningani khan an director T Lalropuia hoin kum thar atana inhlan tharna hun an hmang.

Inhlantharna hun hi joint director R Sangzuala'n a kaihruai a; T Lalropuia chuan, Mizoram FSL-in India rama a ber nihna an neih hrang hrang - zero pendency, online case tracking system leh paperless report pekte chu ṭhahnemngai taka thawk zawma, theihtawp chhuah turin thawktute a fuih a ni.

FSL-ah hian Director hoin forensic expert 14 leh staff 31 vel, an vaiin mi 45 an thawk mek a; division hrang hrang - chemistry (drugs & narcotics), questioned documents, ballistics & toolmarks, fingerprint, DNA, toxicology, photography leh cyber forensic-te a awm.

Forensic expert-te hi pawikhawihna hmunte endikin, finfiahna awm theite an lakhawm ṭhin a; Court, Police, Excise & Narcotics leh department hrang hrang aṭanga endik tura tih bakah Mizoram pawn aṭanga case lo thawnte te an endik ṭhin a ni.