Assam Rifles-in heroin leh gelatin man

Assam Rifles leh an thawhpuite chuan January 17-18, 2025 chhung khan Aizawlah gelatin leh a tihpuahna hmanrua an man a; Siaha leh Champhaiah heroin an man bawk.

AR sipaite leh Mizoram police-te chuan January 18 khan Khatlaah Cherhlun aṭanga kal lirthei pakhat aṭangin gelatin tlâwn 30 leh a tihpuahna (detonator) 20 an man a; a neitua puh Hmingthansanga (42), Lungtian, Hnahthial district man nghalin, police kutah an hlan.

January 18 vek khan AR sipaite chuan Siahaah mi pahnih hnen aṭangin heroin (no. 4) gram 7.16 an man a; January 17, 2025 khan Melbuk péngah heroin gram 46 an man bawk.