Saitual leh Khawzawlah DAMC ṭhukhawm

Agriculture & Farmers Welfare leh Horticulture secretary Ramdinliani leh Mizoram Agriculture Marketing Board managing director Dr David Fangzauva te chuan tun hnai khan Saitual leh Khawzawl district an tlawh a, District Agricultural Marketing Committee (DAMC)-te nen hmalak dan tur an sawiho.

Ramdinliani chuan, Agriculture department chu Mizorama department upa ber pawl a nih angin a din ṭan aṭanga tun thelnga hmasawnna a neihte ngaihtuah a ṭul thu a sawi a, "Agriculture department chuan kut hnathawktute'n an thawh hlawh an hmu ngei em, tih enpui hi a tihmâkmawh a ni," a ti a; Mizoram sorkar hnuaih agriculture marketing-in bung thar a kai thu a sawi.

Saituala ṭhutkhawmah hian District Agricultural Marketing Committee-te inpuahchahna leh hmalakna te, training an neih tawh dante ngaihthlak a ni a, society hruaitute nen zawhna leh chhanna hun hman a ni.

Khawzawlah chuan sawhthing, aieng, hmarcha leh hmunphiahte lak khawma hralhna hmun tur secondary collection center-te spot verification neih dan tur leh secondary collection center-a January thla chhunga training neih dan turte sawiho a ni bawk.