MIFCO-in sapthei qtl. 70 lei tawh

MIFCO chuan Chhing-chhipa sapthei sâwngbâwlnaah, August thla tír aṭang khan sapthei a her ṭan leh ta a; tun thlengin sapthei quintal 70 a lei tawh. Sapthei an lei tawhte chu Suangpuilawn khua leh NLUP hnuaia Tuikum cluster-a sapthei chingtute thar chhuah a ni.

MIFCO deputy mana-ger Lalrochama tarlan danin, MIFCO hian nikum chhung khan sapthei quintal 1915.50 an lei a, chu chu cheng nuai 26.8 man a ni. Kuminah hian nikum aia tam lei an inbeisei.

Kumina sapthei an lei tawhte chu a eng (yellow) chi a ni a, a lawh hun vang-lai chu October thla a ni.

Sapthei an leina tamna ber NLUP hnuaia Tuikum cluster (chhungkaw 612) leh Suangpuilawn (chhungkaw 40)-te a ni a; anni hi nikum lamah pawh sapthei thar tam berte an ni.

MIFCO hotute chuan, MIFCO privatise a nih dawn vanga thawk mi 56-te Early Retirement Rules 2015 hmangin chhuak mah se, harsatna awm loin sapthei an la sâwr chhunzawm zel thei tih an tarlang.