Zobawk PHC lungphùm phúm

Zobawk damdawi-in, Primary Health Center (PHC) sak tur lungphùm chu, nimin khan bialtu MLA leh parliamentary secretary Joseph Lalhim-puia'n a phúm. Zobawk PHC hi Rs. 1,26,75,800 senga sak tur a ni.

Joseph Lalhimpuia chuan, kum 2008 inthlan dawna a lo tiam tawh bawhzuiin, chief minister Lalthanhawla leh Health minister Lal Thanzara te duhsakna an chang a, kum 230-a upa Zobawk khua, mi 4,000 vel awmnain damdawi-in an nei thei tur chu lawmawm a tih thu a sawi a; damdawi-in chu a puitlin hunah
ṭangkai taka hman leh mi harsa zawkte tana chhenfâkawm a nih a beisei thu a sawi bawk.