AMC councillor telh ve turin phût

MNF vice president Dr R Lalthang-liana chuan, sorkar laipuiin mirethei in sak ṭanpuina, 'Housing for All’ scheme inkaihhruainaah, Aizawla chengte tana in sak buaipuitu tur chu Aizawl Municipal Corporation an nih thu a sawi a, "Aizawl District Screening Committee-ah inthlimna leh huphurhna tel loin AMC councillor-te an tel ve tur a ni," a ti.

Nimina Mizo Hnam Rûna inkhawm-ah thu sawiin, Dr Lalthangliana chuan, AMC-ah in sak ṭanpui dil 3,059 an awm thu a sawi a, "District Screening Committee on Beneficiary under PMAY-HFA-ah AMC councillor-te an telh lo hi kan hrethiam thei lo," a ti a; a rang thei ang bera coincillor-te telh turin sorkar a phût.

R Lalthangliana chuan, hmun dangah pawh Congress party-in finrawl chhuahin vote zawn nan Housing for All chu hman an tum nia sawiin, "Heti mai maia an kalpui dawn ai chuan a thlenna tur dik takah kan zualko chat ang," a ti a; Housing for All hmanga Congress party-a lut tura thlemna tâwkte chu Mizo Hnam Rûna inhriattir zel turin a chah a ni.