Sum dawn ngaia neih a hlauhawm: Zira

Home minister R Lalzirliana chuan, NLUP hnuaia ṭanpuina dawng-tute'n sum dawn chu ngaiah an neih a hlauh-thawnawm thu sawiin, "NLUP kum nga chuang kalpui a nih takah hian a dawngtu zingah ṭanpuina sum hmuh inzat si, a tiṭha leh ṭha lo an hriat hran
ṭan hle a ni," a ti.

Agriculture depart-ment-in August 11, 2016-a Ṭawi constituency chhunga mite tana Kei-fang community hall-a NLUP third phase leh fouth phase dawngtute hnena second instalment a semnaah thu sawiin, R Lalzirliana chuan, "NLUP ṭanpuina dawngtute zinga mi ṭhenkhat, an sum dawnte peipun tum loa thil danga hmang an awm ṭhin a, chutiang mite chu hun a kal deuh ang a, an harsat ngaiin an harsa reng ang tih a hlauhawm," a ti a; sum dawnte peipungte erawh chuan mamawh dang zawng pawh an phuhruk phah dawn tih a sawi.

Agriculture depart-ment hnuaia NLUP ṭan-puina hi khaw 15-a mi 140 hnenah Rs. 60,25,000 sem a ni a; WRC-I thlangtu mi 60 hnenah Rs. 45,000 ṭheuh, WRC-II thlangtu mi 75 hnenah Rs. 44,000 ṭheuh, fu thlangtu mi panga hnenah Rs. 32,000 ṭheuh sem a ni.