Ruihhlo do dan tur sawiho

Ruihhlo do beihpui thlak chung-changa Mizoram sorkar leh Central YMA thawhhona bawhzui nan nimin khan Champhai SDPO pisaah Champhai district-a Police, Customs leh Excise & Narcotics department hotute leh YMA Sub-Headquarters hruaitute an
ṭhukhawm a; ruihhlo do chungchangah hmalak zel dan tur an sawiho.

Meeting hi Champhai SP RP Meena-in a kaihruai a; Champhaia ruihhlo do beihbui thlak kawnga thawhho dan tur leh hmalak dan tur chipchiar leh zau takin an sawi a, YMA leh sorkar department-te aṭangin 'Team of Convener' siam a, an kutah hmalak dan tur chipchiar dah ni se, an ti.

Meeting-ah hian, ruihhlo do kawngah YMA branch chhunga ruihlo ti ṭhin leh zuar ṭhinte zir chian (survey) bakah, dan ang thlapa hmalak a nih theihna atan ruihhlo donna kawnga hma latute tan August 20, 2016-ah 'Ruihhlo do training' buatsaih an rel a; sorkar department-te sum indaih lohna a nasat avangin a theih ang anga ruihhlo dona kawnga sum hman tur ngaihtuah leh inpeizâwn an rel bawk.