Siaha a zana police patrol tur hawng

Nimin khan Siaha DC conference hall-ah Siaha SP pisa bultumin Siaha khawpuia zan lama police-te duty tur programme hawn a ni a; Siaha DC Harleen Kaur-i'n a hmanpui.

Hawnna inkhawmah hian zana police patrolling duty-te hman tur motor tê chi pakhat leh motor cycle pakhat ruahman a ni a, chu'ngte chu DC Harleen Kaur-i'n a vailiam. Harleen Kaur chuan, sualna do turin mi tinin mawhphurhna an nei tih a sawi.

Siaha SP SD Mishra chuan, Siahaa pawikhawihna leh sualna chi hrang hrang zingah rûkrûk leh inrawkna a tam ber tih sawiin, "Inrawkna hi nikum 2015 leh kumin 2016 khaikhin chuan 74-75% in a pung a, 61% chu zana thleng niin, 11% chu chhuna thleng, 9% chu chawhnu lama thleng leh 12% chu thimhlima thleng a ni," a ti.

Siaha SP sawi danin, Siahaa pawi-khawihna thleng zinga 66% vel chu Coun-cil Vengm, College Veng, Siahatlah, New Colony, New Siaha West, Meisatla-II, New Siaha East-I leh Vengpuia thleng a ni.

Siahaa police patrolling duty turte hi mobile leh WT set paitir an ni a, social media-ah police-te'n thil an inhrilhfiah nan Facebook-ah 'Siaha Police' tih leh Whatsapp-ah 'Siaha Police & Public' tih group siam a ni.