HSS lungphùm phúm

Minister R Lalzirliana chuan Ningani khan a bial chhunga Keifangah District Higher Secondary School sakna tur lungphùm a phúm.

R Lalzirliana chuan, District HSS sak a nih theihna tura theihtawp chhuahtu Keifang leh Rulchawm khawtlang hruaitute inpekna a fak a, "Keifang HSS leh Rulchawm HSS chhûn fin a ni thei tur hi a lawmawm a, zirtirtu pawh an indaih zawk thei dawn a ni. Zirlaite tan pawh kawng zau zawka inhawn theih phah ngei a beiseiawm," a ti.

District HSS sakna hmun hi Keifang leh Rulchawm khaw inrinaah a ni a, khaw pahnih hruaitute remtihnain Keifang HSS leh Rulchawm HSS chhûn fin tur a ni. Sikul hmun tur chu Lalbiaktluanga, Ramhlun North ram Rs. 10,00,000-a lei a ni a, sikul chu sorkar laipuia IDMI scheme leh MLA Local Area Development Works sum hmanga sak tum a ni.