Lunglei khawpuiah Cleanliness Walk

Lungleia UDPA department chuan, Inrinni zing khan Lungleia Swachh Bharat Mission (Urban) hnuaiah faina kawnga mipui zirtirna chi khat atan khawpui chhungah faina kawngzawh, Cleanliness Walk an huaihawt.

Cleanliness Walk tawpnaa inkhawmah Lungleia UDPA officer Andrew Lalhruaia'n thu a sawi a; kawngzawh chu Lunglei khawpui a fai zawk nan leh mipui rilru sûkthlêk thlak tum a buatsaih a nih thu a sawi. Kawng zawhtute chuan Lungleia UDPA pisa aṭangin kawng an zawh ṭan a, Ṭhuamluaia Mual thleng kalin, kawnga bawlhhlawhte an chhar a ni.

Kawngzawhah hian Lunglei DC Abhijit Vijay Chaudhari leh Swachh Bharat Mission (Urban) Committee member te, Town Sanitation Task Force, Clean Lunglei Organising Committee member-te leh HATIM zirlaite an tel.