MPCY-in CM thusawi an helh

MPC party ṭhalaite chuan thuchhuah siamin, August 12, 2016-a Congress Bhavan-ah chief minister Lal Thanhawla’n 'Kohhrante ṭawngṭai chhanna chu awmze neia zu zawrh' a nih thu a sawi chu lungchhiatthlak an tih thu an tarlang.

MPCY chuan, CM Lal Thanhawla thu sawi duh dan chu Pathian leh kohhran zahlohna leh Thlarau Thianghlim sawichhiatnaa an ngaih thu an sawi a, "Chief Minister hian a thusawiah hian Pathian leh koh-h-rante hmaah thupha chawia ngaihdam dil turin kan phût a. Awmze nei deuh zawka zu zuar turin Pathianin a kohhrante
ṭawngṭaina hi a chháng ngai lo ang tih thu dik awm sa hi kan CM hian lo zir chiang tawh turin kan ngen a ni," an ti.

Congress Bhavan-a inkhawmah vêk Excise & Narcotics minister R Lalzirliana’n 'Kum khat chauh zu zawrh a nih chhungin a chhiat leh a ṭhat a hriat chian theih loh' anga a sawi chu a department chanchin a hriat loh vanga an ngaih thu an sawi a;
"Kum khat chhunga mahni chanpual chanchin hre ngam lo khawpa zu zawrhnain a bual ât minister kan nei hi a vanduaithlak kan ti tak zet a ni," an ti.

Excise Minister chu zu vanga chhungkua, khawtlang leh koh-hrante’n buaina an tawh nasatzia te, thihna a tam phahziate hre chiang tura a department luhchilh turin an chah a ni.