C Lalrosanga'n Rajnath a kâwm
Lok Sabha MP C Lalrosanga chuan September 22, Thawhlehni khan Parliament House-ah Union Defence minister Rajnath Singh a kâwm a, Mizoram kawng enkawltu Border Roads Organisation (BRO) ngai pawimawh lehzual turin a ngen.
Sorkar thuchhuah tarlan danin, C Lalrosanga chuan Defence Minister hnenah, ramri kawng laih leh enkawlna atana BRO sum mamawhte ngai pawimawh turin a ngen a; Mizoram chhim tàwp lama Tuipang aṭanga Lungpuk thlenga BRTF kawng enkawl lai chu priority list-a dah tur leh, Hnahthial-Sangau-Saiha kawngah Chhimtuipui lui chunga lei dawh turin a ngen a ni.
C Lalrosanga hian Rajnath Singh hnenah lehkha thehlutin, Kawnpui-Durtlang-Aizawl kawng chu national highway double lane-a dah tur leh, Kawlchaw-Phúra-Tawngkawlawng kawng leh, Thingsai-Bualpui-Saisah-Pangkhua-Sangau BRO kawng chu ngai pawimawh lehzual turin a ngen bawk.