Mission Vatsalya dilna 100 pawm

Saitual bawrhsap Dr Lalngura Tlau hoin nimin khan a pisaah Sponsorship and Foster Care Approval Committee an ṭhukhawm a; Mission Vatsalya scheme kaltlanga naupang chhawmdawl ngai leh enkawl zui ngaite puihna (sponsor) dilna 100 an pawm.

Ṭhutkhawmah hian Mission Vatsalya scheme hnuaia naupang chhawmdawl ngai leh enkawl zui ngaite puihna chungchanga sponsor dilna 140 lutte chu dan hnuai pek theih dan tura pawimawhte thlirho a ni a; dilna lut zinga 100 pawm niin, dilna 40 chu ngaihtuah ṭhat leh tura dah a ni.

Dr Lalngura Tlau chuan, sorkar laipui scheme ṭha tak takte chu a nihna tura dik taka hman tur a nih thu a sawi a, "Chhawmdawlna leh ṭanpuina dawngtute pawhin khawvel êng an hmuh ve ngei theihna atan hmang vek thei se a duhawm hle," a ti.