Bawrhsapin FPC hotute a kâwm

Saitual bawrhsap Dr Lalngura Tlau chuan nimin khan North Eastern Region Agri-Commodity e-Connect (NERACE) leh MOVCD-NER hnuaia Sialkal Farmer Producer Company (FPC) leh Mawmrang FPC state coordinator leh chief executive officer-te a pisaah a kâwm.

FPC hotute'n Saitual Bawrhsap hnenah an hmalakna hrang hrangte an thlen a; loneitute tana hlâwk leh man zawka sawhthing hralh theihna tura hma an lakpui theih thu te, sawngbawl zui thlenga an khawih theih thute an sawi.

Saitual DC chuan, FPC-te hmalakna hrang hrang lawmawm a tih thu a sawi a; mi dangte cho chhuaktu ni ngei turin duhsakna a hlan.

Sialkal FPC leh Mawmrang FPC coordinator leh CEO-te hian thlai sawngbawlna atana tui dah khawlna (tanky) leh tihchangtlunna chungchang te, machinery (Parvate Food Ltd) an neih tawh dan te, sawhthing sawngbawlna an neih thute leh eng emaw zat an hralh tawh thute an sawi.

Mawmrang FPC hian December 2024 khan Trifac Agro Company hnenah thlai chingtute thar hmarcha kg. khat Rs 500-in metric ton 2 an hralhsak tawh a ni.