CM leh NABARD hotu inkâwm
Nimin khan chief minister Lalduhoma chuan a pisaah NABARD, Mizoram Regional Office-a general manager Pankaj Borah a kâwm a; NABARD kaltlanga Mizorama hmasawnna thawh mekte leh hmachhawp an neihte pawh a sawipui.
NABARD General Manager chuan, Mizoram sorkarin NABARD loan cheng vbc. 250 a lak theih laiin hna thawh mekte a kal muan avangin cheng vbc. 121 vel chauh a la mek tih a sawi a, "Hnathawh mekte chak lehzualin kal thei se, loan tam zawk la thei se kan duh. NABARD loan pung (interest) hi eng emaw zat chu loan latu state hnenah grant angin kan pe lêt leh ṭhin," a ti.