KHAWTHLIR

Thisen pe

Kolasib SP office chuan Mizoram Police din champha vawi 53-na pualin nimin khan an hmunah thisen pek an huaihawt a, police mipa 12 leh hmeichhia pariatte'n Kolasib District Hospital tan thisen unit 20 an pe.

Inhlan tharna hun

Hnathiala IPRO F Lalrinfela leh Hnahthial District MJA member-te chuan nimin khan IPRO office-ah inhlan tharna hun an hmang. F Lalrinfela chuan MJA member-te hnenah an hna chu rawngbawlna pawimawh tak a ni tih hre reng chunga thawk zel turin a chah. Hnahthial district-ah hian MJA member paruk an awm.

Khuhhawnna hmang

Nimin khan Serchhip DC pisa hall-ah Beti Bachao Beti Padhao kum 10 tlinna leh National Girl Child Day (January 24) khuhhawnna neih a ni a, bawrhsap Paul L Khuma'n a hmanpui. DC chuan, hmeichhe naupangte dikna chanvo humhim nan leh, mipa leh hmeichhe inthliarna a bo theih nan mi dangte hrilh leh zirtir chhawngtu nih tum turin kal khawmte a fuih. Inkhawmah hian college zirlaite tan Public Speaking Competition buatsaih a ni.