CWC leh JJB member-te leh DCPO-te tan training buatsaih

Women and Child Development (CWC) department chuan nimin khan IPR Conference Hall-ah Child Welfare Committee (CWC) leh Juvenile Justice Board (JJB)-a chairperson leh member tharte leh district child protection officer (DCPO)-te tan induction training an buatsaih.

Induction training-ah hian chairperson Mizoram State Commission for Protection of Child Rights (MSCPCR) Jimmy Laltlanmawia chu khuallian a ni. Khuallian chuan, naupangte an lo ṭhan len a, ram leh hnam, khawtlang leh kohhran tana mi chenfakawm ni tura ṭanpui tur leh naupang venhim ngai leh chhanchhuah ngaite pui turin CWC leh JJB hotu tharte a chah.

Jimmy Laltlanmawia chuan, kum 2011 chhiarpuiin angin Mizoram mipui zinga 40% chu kum 18 hnuai lam an nih thu a sawi a, "Naupangte hmakhua leh an lo ṭhan len a, khua leh tui ṭha ni tura kaihhruai leh venhim chu Mizoram sorkarin a ngai pawimawh hle a ni," a ti.