Mizoram PYD rorel inkhawm

Mizoram UPC ṭhalai pawl, Pentecostal Youth Department (PYD) chuan nimin khan General Headquarters conference hall, Aizawlah rorel inkhawm vawi khatna leh General Board ṭhut vawi 24-na an hmang a; thil pawimawh chi hrang hrang an rêl.

PYD General In­khawm­pui Lian aiawh Ge­neral Board neih a nih chhan hi kum 2019-a PYD General Inkhawmpui vawi 25-na rorelin PYD General Inkhawmpui kum tina neih ṭhin chu kum khat dana neih tawh tura a rêl vang a ni a; inkhawmpui lian neih loh kuma rorel dan tur chu General Board kuta dah a nih angin, inkhawmpui lian aiawh rorel vawi khatna, General Board vawi 24-na ni bawk chu neih a ni.

▷    Kum 2021 PYD General inkhawmpui chu ruahman angin Ruantlang bialah neih tur a ni.

▷    Kum 2021 chhungin General PYD hmalaknain blood donation camp neih.

▷    Kum 2021 chhungin General PYD buatsaihin Lawngtlaiah live crusade buatsaih.

▷    General PYD hnuaiah Literature Committee din.

▷    Kum 2021 chhungin General PYD hminga tirhkoh rawih chhunzawm.

▷    Kum 2021 budget atan Rs. 25,64,000.