Mizorama hripui kai chhâwng hmuh thar mi 5-te LC inthlan kal zela swab test vek an ni

Chanmari West LTF hruaitute chuan, an veng mi Covid-19 vei hmuh chhuah pahnih - mipa kum 15 leh hmeichhia kum 44 mi chu September 9, 2020-a hripui vei hmuh chhuah an veng mi panga zinga mi pakhat first contact-te an nih thu an sawi. September 9-a Covid-19 positive hmuh chhuahte chu LC inthlana duty vek, chuta ṭanga hripui kai nia ngaih an ni.

September 22 vêka Covid-19 vei hmuh chhuah, local positive dang pahnih, mipa kum 25 (kum 12 zawk) leh hmeichhia kum 51 mi)-te chu Durtlang mi an nih thu sorkar thuchhuah chuan a tarlang. Mi pahnihte hi a hmaa Durtlanga Covid-19 vei hmuh chhuah tawh doctor pakhat chènpuite an ni a; doctor hi Durtlang LC inthlan aṭanga hripui kai kaihhnawiha kai chhawng vea ngaih a ni. Mipa naupang hi a permanent address (a nu leh pate awmna) chu Mission Veng a ni thung.