Governor-in State Museum a tlawh

Governor Lt.Gen. Nirbhay Sharma chuan, nimin khan Aizawla Mizoram State Museum a tlawh a, a nupui Jyotsna Sharma leh an mikhual neih mekte'n an ṭawiawm.

Larsap hian Mizoram State Museum-a gallery hrang hrang a fang kual a; museum pawimawhna leh hnam rohlu vawn ṭhatna kawnga a pawimawhzia sawiin, "Mizoramin museum chhuanawm tak a nei a ni. Hnam ropui apiangin pi leh pute kutchhuak, sûlhnu leh nunphungte ngaihsan nacháng an hre ṭhin," a ti.

Governor chuan, hnam dangin Mizo hnam rohlute an ngaihsakna tur chuan a neitu Mizote'n an hlutsak hmasak a ngai tih sawiin, "Hnam rohlu, pipute sûlhnu leh kutchhuakte pholanna hmun museum hi kan tlawh uar tur a ni," a ti a; Mizo mipuite'n museum chu tlawh uar lehzual se a duh thu a sawi.