KHAWTHLIR

Endik dawn

Mizoram sorkar chuan thuchhuah siamin, Supreme Court of India Writ Petition (Civil) No. 456 of 2013 chung-changa hmalakna kal zelah, Mizorama coaching institution-te chu inspection team-in a enfiah tura tih a nih avangin Mizorama coaching institution zawng zawngte Higher & Technical Education-a Technical Wing Joint Director (Tech)-ah August 26, 2016 hmaa inhriattir tur a nih thu a tarlang.

Thisen pe

Institute of Technical Studies, Bawngkawn chuan nimin khan Aizawl Civil Hospital-ah blood donation camp an huaihawt a, mipa paruk leh hmeichhia pakhatin thisen unit sarih an pe.

Biak-in hawng

Tuikual North Presbyterian Kohhran biak-in sak thar chu August 15, 2016 khan Synod moderator Rev. H Lalrinmawia'n hawngin Pathian hnenah a hlan. Biak-in hi a dung ft. 103 leh a vâng ft. 59 a ni a, mi 950 vel
ṭhut lenna tura sak a ni.

NLUP sem

Industries department chuan, nimin khan Tui-rial cluster hnuaia NLUP dawngtute hnenah ṭanpuina sum an sem. Ṭanpuina hi mi 70 hnenah Rs. 35,33,000 sem ral a ni.

Kudam hawng

Food, Civil Supply & Consumer Affairs department-in Kawnpuia buhfai qtl. 2,500 dah theihna tur kudam an siam chu, nimin khan parliamentary secretary Hmingdailova Khiangte-in a hawng.

Rangva sem

Rural Housing Scheme hnuaiah nimin khan Thingdawl RD block
chhunga thingtlang mite'n in an sakna atan rangva sem a ni. Rangva hi mi 32 hnenah bundle li ṭheuha pek a ni.

MLA-in hawng

Nimin khan Saiha bialtu MLA Dr. K Beichhua chuan a fund cheng nuai 7 hmanga sak New Siaha-a MYA multipurpose hall, 1st floor siam thar chu a hawng.