Chief Minister-hoin Mizoram Bharat Scouts & Guides an ṭhukhawm

Mizoram Bharat Scouts & Guides (MBSG) chu nimin khan an president, chief minis-ter Lal Thanhawla hoin CM Banquet Hall-ah an ṭhukhawm a, thil pawi-mawh hrang hrang an rél.

Lal Thanhawla chuan, "He movement hmang hian engtin nge khawtlang nun siamṭhatna kawngah kan
ṭangkai theih zawk ang tih te, scouts leh guides-te khua leh tui ṭha ni turin engtin nge nasa zawka hma kan lak ang tihte leh, ṭhalai nun engtin nge ṭha zawka kan kaihhruai theih ang tihte hi kan ngaihtuahho a pawimawh hle a ni," a ti.

MBSG President chuan, Scouts and Guides move-ment chu ṭhalaite kawng dik kawhhmutu leh nun kawng siamna hmanraw pawimawh tak nia a hriat thu sawiin, "He movement hi ṭhalaite khawvelah engtin nge huamzau zawka kan vawrh lâr theih ang tihte hi kan ngaituahnaah se, hemi atan hian ke kan pên a ngai," a ti a; faina beihpui thlakna kawngah
ṭan lak a ṭul thu a sawi.

Meeting-ah hian vice president atan - Boi-chhingpuii, Laldingliani leh Tintlunga Hniahlum an thlang thar. Tun din-hmun-ah Scout wing-ah mi 1,996 leh Guide wing-ah mi 2,441 mi an awm mek a ni.