Computer rûk chíng man

Mizoram police-te chuan computer rûk chíng hun rei tak an lo zawn tawh, TC Lawmkima (24) s/o TC Lalhmingliana chu August 15, 2016 khan an man a; Sialsuk High School a rawkna aṭangin man chhuah a ni.

Aizawl SP chuan Aizawl leh a chhehvel zirna in hrang hranga computer leh a part rûk a tam avangin a chhui bingtu tur Special Investigation Team a din a; computer part rukna thlengte uluk taka an chhui bakah, sikul
ṭhenkhatah a rûkin CCTV an dah a ni.

TC Lawmkima hi Aizawl, Kolasib leh Serchhip district-a rûkrûkna vawi 32 velah a inhnamhnawiha hriat a ni a; college pasarih, office pathum leh sikul 22 rawknaah a mawhphurtua ngaih a ni. TC Lawmkima thil rûk nia rinhlelh hralh leh lei hriate chu police station hnai berah hriattir turin an ngen.