Mizoram IMR 32; India ram pum IMR 39

Nimin khan Archive Hall-ah Swachh Bharat pêng pakhat, Kayakalp hnuaia damdawi-in leh a chhehvel faina, damdawi-in thli sawngbawl dan leh natna inkai chhâwn theih laka invenna chungchang zirhona buatsaih a ni a; Sample Registration System report thar bera a lan danin, Mizoram Infant Mortality Rate (IMR) chu kum 2014-ah 32 a ni a, India ram pum chu 39 a ni tih tarlan a ni.

Nausen kum khat hnuai lam thihna chungchangah, Sample Registration System (SRS) report thar bera a lan danin, Mizorama Infant Mortality Rate (IMR) chu 32 a ni a; nau piang 1,000 zelah 32 an thi tihna a ni. India ram state zinga IMR hniam ber chu Goa niin, an IMR chu 10 a ni a; India ram puma IMR chu 39 a ni.

Hmarchhak state zingah kum 2014-a IMR sanna ber chu Assam niin, 49 a ni a, a hniamna ber Manipur-ah 11 a ni thung. Hmarchhak stgate zingah hian IMR-ah Mizoram aia sang chu Assam leh Menghalay (46) chiah an awm a, a bâk state pali chu Mizoram aia hniam an ni.

Hospital & Medical Edu-cation leh National Health Mission (NHM) director Dr K Lalbiakzuala chuan, Kayakalp thil tum chu damdawi-in faina leh thianghlimna a nih thu sawiin, "Damdawi-in fai leh thianghlim hian damlote dam chhuahna kawngah nasa takin kori a tù a ni," a ti a; faina kawnga ṭan la turin kal khawmte a chah.

Training-ah hian IMR report thar ber zir chianna leh tlangzarhna hun hman nghal a ni. Training hi vawiinah chhunzawma zawh a ni ang.

Hmarchhak state-te IMR

State 2013 2014

Assam 54 49

Maghalaya 47 46

MIZORAM 35 32

Arunachal

Pradesh 32 30

Tripura 26 21

Sikkim 22 19

Nagaland 18 14

Manipur 10 11

India ram IMR (SRS Report)

Kum IMR Kum IMR

1990 80 2007 55

2000 68 2008 53

2001 66 2009 50

2002 63 2010 47

2003 60 2011 44

2004 58 2012 42

2005 58 2013 40

2006 57 2014 39