Plan buatsaih thuai dan tur rêl

Prime Minister Krishi Sinchayee Yojana (PMKSY) hnuaia Serchhip district-a line department chu, nimin khan an chairman, Dr Lalrozama, Serchhip DC hoin a pisaah an
ṭhukhawm a, District Irrigation Plan buatsaih thuai dan tur an rêl.

Dr Lalrozama chuan, Mizorama tuihnate ṭangkai leh hlâwk zawka kan hman thiam a nih chuan buh leh bâl thar chhuah lamah nasa taka hmasawnpui theih tur a nih thu a sawi a, "Kum khat chhungin thlai vawi hnih/thum kan thar chhuah phah thei dawn a, line department-te'n hmathlir thui leh rintlak tak nei chunga ruahmanna kan siam theih nan theihtawp kan chhuah tlan a ngai a ni," a ti.

Sorkar laipuia Cabinet Committee on Economics Affairs-in July 1, 2015-a phalna a pek PMKSY hi
ṭangkai leh hlâwk zawka lo neitute'n tui leh tuihna an hman theihna tur leh buh bâl an thar chhuah theihna tura a duan a ni.

PMKSY hnuaiah hian Ministry of Water Resources hnuaia Accelerated Irrigation Benefit Programme (AIBP) kalpui te, River Development & Ganga Rejuvenation te, Integrated Watershed Management Programme-te leh Department of Agriculture and Cooperation-in On Farm Water Management a kalpui mekte zai khata luantir a ni dawn.

State level-ah chuan Agriculture department chu nodal department a ni a, line department-ah Agriculture, Horticulture, Minor Irrigation, Soil leh Rural Development (DRDA)-te an awm.