Lungleiah naupang dikna chanvo zirho

Lunglei District Child Protection Unit chuan, nimin khan IPR conference hall-ah thuthar thehdarhtute tan danin naupangte dikna humhalh dan leh naupangte venhimna kawng hrang hrang zirna an buatsaih.

Training-ah hian Lunglei DCPO Lalrinkimi Hmar-in Integrated Child Protection Scheme (ICPS) a sawifiah a, "Naupangte hian nun khawchhuah theihna chanvo, hmasawn theihna chanvo leh venhimna chanvo bakah, ngaihdan leh thutlukna siam theihna chanvo an nei a ni," a ti.

Legal officer S Lalro-tluangi chuan, naupangte mipat hmeichhiatna leh chumi aṭanga hmingchhiatna laka danin a humhimna, POCSO Act chungchang a sawifiah.

Lunglei DCPO report-in a tarlan danin, kumin 2016 chhung hian Child Welfare Committee hnuaiah naupang thubuai 89 leh Juvenile Justice Board hnuaiah naupang thubuai 42 ziah luh a ni tawh.