Kawng dunga inzawrh leh vantlang inthiarna chungchangsawiho

Lunglei khawpui chhunga village council-te chu nimin khan UDPA officer Andrew Lalhruaia hoin a pisaah an ṭhu--
khawm a, kawng dunga inzawrh leh vantlang inthiarna chung-changah an sawiho.

Andrew Lalhruaia chuan, Lunglei khawpuiah The Mizoram Street Vendors Rules, 2015 hmangin kawng kama inzawrhna hmun tur awmze nei taka siam a nih tur thu a sawi a, "Plan siam turin VC-te an an area hre chiang ber tur an nih avangin inràwnkhawmna hun buatsaih a ni," a ti.

Inràwnkhawmnaah hian kawng kama thil zuarte hamṭhat--
na awm theite leh thil zawrh phal lohna tur siam chungchangte inhrilhfiaha sawiho a ni.

Swatch Bharat Mission (Urban) hnuaia Lunglei khawpui Open Defecation Free-a puang tura hmalakna pawimawh pakhat, vantlang inthiarna (public toilet) chungchangah inràwnkhawmna neih a ni a; veng hrang hranga vantlang inthiarna sak tawh enkawl mumal loh leh ṭawp lutuk awm ṭhin ang ni lo a, kum tluana inthiarna thianghlim tak neih theih dan turte sawiho a ni.