K Vena'n Parliament-ah thu a sawi

Parliament session neih mekah Mizoram Rajya Sabha MP K Vanlal­vena chuan nimin khan thu a sawi a; Mizoramin ramhmul damdawi ṭha tak a neih thu a sawi chhuak.

K Vanlalvena chuan, Mizoramah ramhmul damdawi awm sa tam tak a awm thu sawiin, "Heng ramhmul damdawi lam zir chianna hmun Mizorama din turin sorkar laipui leh a kaihhnawih minister ka ngen a ni. Medical plant hmanga damdawi siam chhuahna tur micro & small industry Mizoramah din theih ni se ka duh," a ti.

Mizoram Rajya Sabha MP sawi danin, session-ah hian thusawi dila a bán a phar reng chunga Speaker-in a koh loh avangin duty pakhat chu thusawi a duh thu a ziahna Speaker hnenah a pektir a, chumi hnuah thusawi tura koh a ni.