MJA leh IPR-in workshop buatsaih

Lawngtlaia MJA leh IPR department chuan September 15, Thawhlehni khan Lawng­tlai Press Club-ah 'Work­shop on Journalism and Social Media' an buatsaih a, district bawrhsap Dr Andrew H Vanlaldika'n 

a hmanpui.

H Vanlaldika chuan, journalist leh social media lama mi ṭangkai tak takte chu, an sûkthlêkin mipui a hruai nasat avangin an pawimawh hle tih a sawi a, "Thu thehdarh kawngah fimkhur a ṭul hle. Chanchinbu leh social media-a thu léngvâk zingah sorkarin a bawhzui tur ang chi chu an ngaihven reng. Thil hriat chian loh a awm chuan social media-a thehdarh nghal mai loin, thawktute leh a hre chiang turte zawhfiah hmasak ṭhin ni se a ṭha," a ti.

Lawngtlai MJA president Lalngheta Ralte chuan, journalist leh social media hmanga thuthar thehdarhtute inkara khi awm lek lek ṭhin chu thil inman fuh tâwk loh vang a nih thu sawiin, "Chanchin thar thehdarh kawngah chanchinbu emaw, social media emaw hmanga thu rin tlak mumal lo thehdarh ṭhinte'n mi rin an hlawh zui ngai lo," a ti a; fimkhur luata thu dik puan ṭhat ngam loh a hlauhthawnawm rualin, fimkhur loh luata dan bawhchhiat pawh a hlauhawm thu a sawi.

Workshop hi Lawngtlai MJA vice pre­sident Elvis Lal­thangzuala'n a kai­hruai a, assistant public prosecutor Zir­than­tluangi leh IPRO C Lalhruaitluanga'n cyber crime leh social media kaihhnawih dan chi hrang hrang leh journalism leh social media chungchanga thil pawimawhte an sawi a ni.