MZU-ah national seminar buatsaih

Mizoram University-a Department of Management leh Vignan’s Foundation for Science, Technology and Research, Andhra Pradesh chuan nimin khan MZU-ah 'Vision Viksit Bharat 20247: Empowering Rural Communities through Self-Help Groups and Sustainable Livelihood' tih thupui hmangin national seminar an buatsaih.

Seminar-ah hian NABARD general manager Pankaja Borah khuallian a ni a; India ram hmun hrang hranga self help group (SHG)-te kaltlangin thingtlang mite khawsak chawisan a nih thu sawiin, "Mizoramah pawh SHG leh financial institution-te'n mawhphurhna lian tak an nei a, hetiang lamah hian zirbingna nasa lehzual neih a ṭul," a ti.

Khualzahawm Rinzuala, Mizoram Start-up Mission chief executive officer pawhin thu sawiin, "Mizoramah sorkar hna lian thawh ngawr ngawr aia entrepreneur hlawhtling nih tum a pawimawh tawh a, hetiang lama tui zirlaite sorkarin puih a châk hle a ni," a ti a; zirlaite chu mahni kea din theih tum turin a fuih.

Seminar-ah hian India rama mithiam eng emaw zatin an zirbingnate an sawi a; seminar buatsaihna senso chu Indian Council for Social Science Research-in an tum a ni.