Zirna-in aṭanga ft. 300 bialah vaihlo zawrh khap

Khawzawl bawrhsap K Vanlalṭhiana chuan Khawzawl district-a zirna-in bul hnaiah vaihlo, ruihhlo leh a kaihhnawih zawrh leh kum 18 hnuai lamte hnena hralh khap a nih thu a puang. Bawrhsap hian Bharatiya Nagarik Suraksha Sangita, 2023 Section 152-nain thuneihna a pek angin thupek a chhuah.

Khawzawl Bawrhsap chuan "Zirna-in awmna aṭanga ft. 300 bialah vaihlo leh a kaihhnawih emaw, e-cigarette emaw, damdawi ruih theih emaw zawrh khap tlat a ni a, kum 18 hnuai lam hnena vaihlo leh a kaihhnawih hralh leh pek khap tlat a ni," a ti.