Tlabung-in district mamawh an inti

Tlabung District Demand Committee (TDDC) chu nimin khan an ṭhukhawm a; thuchhuah siamin, Mizorama khaw lian pangngai tak zingah Tlabung chu TrueNAT laboratory din lohna khaw tlemtê zinga mi a ni a, chu chuan Tlabungin district hran an mamawhzia a nemngheta an ngaih thu an tarlang.

Tlabung DDC chuan, Tlabung chu nakkumah kum 150 a tling dawn tih tarlangin, "Mizorama khaw upa ber páwl a ni chunga mamawh leh tlâkchham kan ngah lutuk hian kawng hrang hrangin mipui tan harsatna a siam nasa hle. Harsatna sutkian nan kum 20 chuang kan lo nawr tawh Tlabung district siam ngei kan phût a ni," an ti.