Zu zawrh tihtawp phût nan MNF-in kawngzawh an rêl

MNF National Executive Meeting, nimina Vanapa Hall-a neih chuan, sorkarin zu a zawrh titawp tura nawr nan kawngzawh huaihawt an rél.

MNF meeting reso-lution chuan, "Congress sorkarin zu a zawrh titawp tura nawrna atan kawngzawh neih kan remti a, a hun leh ní erawh chu General Headquarter-in ruat se la, Aizawl khawpui bakah a theih leh remchanna khaw hrang hrangah kawngzawh ni se kan ti," an ti a ni.

Yoga chu Mizo mipui leh kohhrante’n him lo an tih avangin Pathian leh mipuite zara MNF-in sorkarna a siam hunah sorkar zirna-inahte tihluihnaa Yoga tihtir
ṭhin chu tihtawp a nih tur thu an sawi a; sikul ṭan hun tihhmain harsatna a thlen nia an hriat avangin, MNF an sorkar chuan sikul ṭan hun chu a hmaa a pangngai anga kalpui leh an tum thu an tarlang bawk.