MIMER tihpuitlin dan tur sawiho

Health department leh Indo Global health Consortium (IGHC) hotute chuan, nimin khan Hotel Flo-ria-ah health secretary Lalrinliana Fanai hoin medi-cal college, Mizoram Institute of Medical Education & Research (MIMER) din dan tur an sawiho.

Meeting-ah hian, Mizorama medical college ṭha tak, international standard ni pha thei tur din a nih theih nana international partnership din dan tur te, Mizorama mipuite hriselna chung-chang ṭha taka chhin-chhiah theih dan tur te, nursing graduate-te ram pawna an thawh theih dan turte leh damdawi lama thawktu technical mi tam zawk chher chhuah dan turte an sawiho a ni.

Medical college leh nursing college-te chu India ram state dang aṭanga pan tlak khawpa ṭhaa siam dan tur te, cancer hmuh-chhuahna leh enkawlna leh a chhui zuina kawnga internet leh khawl ṭha zawk hman theih dan turte an sawiho bawk.

Thu dawn danin, MIMER din tura sorkar hmalak mek tipuitling tur leh indaih lohna hrang hrang phuhrûk turin IGHC-te'n hma an la dawn a; mipui thingtlang kilkhawra awmte pawh an hriselna chhinchhiah a, natna an neih dan anga hmunpui leh specialist awmnaa thawn kual zung zung theihna tur siam ṭhat tum a ni.

Health department hotute chuan IGHC hotute chu MIMER dinna tur an fanpui nghal a ni.