Chenna in nei lote YMA nena zawn chhuah duh

Kolasib District Level Executive Committee on DAY-NULM chu nimin khan DC H Lalengmawia hoin DC conference hall-ah DAY-NULM hnuaia hmalak dan tur sawihoin an ṭhukhawm.

Meeting-ah hian khawpui chhunga chenna in nei lo zawn chhuah dan tur sawiho a ni a; YMA-te nena thawhho dan tur ruahmanna mumal tak siam ni se, an ti. Kolasib-a home thuam ṭhat dan tur leh women shelter din tura ruahmanna siam chu Project Sanction Committee-in a pawm tawh thu sawi lan a ni.

District Level Executive Committee on DAY- NULM hi khawpui chhunga chenna in nei lo zawn chhuah leh shelter home dinte enthlithlai tura din a ni.