School Education hnathawh thlirlêt

School Education hotute chuan an minister H Rohluna leh parliamentary secretary Joseph Lalhimpuia te hoin, directorate conference hall-ah department hnathawh thlirletna hun an hmang a; an department hnuai-a scheme hrang hrang thawh mekte chak zawka kalpui a nih theih nan hma latu inruat an rel.

Meeting-ah hian School Education depart-ment hnathawhte bakah, a hnuaia hmalakna hrang hrang - SCERT, SSA, RMSA leh Mid- day Meal leh scheme leh project dangte hmanga hna-thawhte an thlirho a; chak zawka hna thawh dan tur an sawiho a ni.

An department-a thawkte pension-a an chhuahin, an pension hnu féah an document chinfel a ni ṭhin chu financial year kal mek aṭang chuan an pension hma thla rukah buaipui ṭan a, an pension ní-ah engkim chinfelsak hman vek tura inbuatsaih ni se, an ti.

Department-a thawkte medical reimbursement a theih anga chak a pek chhuah a ṭul thu leh, SSA leh RMSA hnuaia thawkte hlawh lak tlai chhan chu state matching share hmuh har vang a nih thute an sawi bawk.