Vantlang hriselna chungchang inzirtir

National Health Mission hnuaiah Health department-a Aizawl East district chhunga ASHA, Village Health Sanitation & Nutrition Committe (VHSNC) member-te pualin nimin khan Chanmari YMA Hall-ah ni hnih awh tur training buatsaih a ni a; mipui vantlang hriselna tur leh hriselna lama hmalak zel dan turte an sawiho.

Training hi Aizawl East senior medical officer Dr Lalparliani'n a kaihruai a; resource person Dr Lalchhuanawma, NHM-a nodal officer-in hriselna lama vantlang dinhmun sawiin, ASHA programme manager T Lalthanpari'n sum inpek dan chungc-hang a sawi thung.

VHSNC hi V/C hnuaiah khaw-tlang huapa committee din a ni a, sorkar hriatpui khua (revenue village) zawng zawngah din tur a ni. Mizoramah sorkar hriatpui khua 830 an awm a, chu'ng khuaahte chuan VHSNC din vek tawh a ni. Aizawl East district chhungah ASHA 196 leh VHSNC 115 a awm.