MPCY-in Zoramthanga thusawi an dem

MPC party ṭhalaite chuan, MNF president Zoramthanga'n August 16, 2016-a Mizo Hnam Runa thu a sawiah, MPC leh ZNP-te party tênau anga a sawi chu an dem thu an tarlang.

MPCY thuchhuah chuan, "Zoramthanga’n 'MPC leh ZNP-te chu an tênau deuh avangin North East Democratic Alliance (NEDA)-ah tel ve tlakah an ngai lo a ni,' tia a sawi hian Zoramthanga’n NEDA a sawichhiatna leh a tihmualphona lian takah kan ngai. NEDA hian party lian leh tê a thliar lo tih hre phak lo MNF-in president an nei hi khaw-ngaihthlak kan ti a. MNF hi a len em vanga sorkar zo lo an nih pawh hre thar leh turin MNF President hi kan chah a ni," a ti.

MPC ṭhalaite chuan, NEDA-ah hian ring lo mite nena rual lo taka nghawngkawl bât dun tura tel loh hlaua tlawn a, phí chengah Zoramthanga chu an puh a; MPC chuan Hindu party inhâwrkhawmnaah tel ve loh hlauin an zuk tlawn ve lo niin an sawi bawk.