IWMP plan siam dan tur sawiho

Integrated Watershed Management Programme (IWMP) hnuaia Serchhip District Level Committee chu nimin khan an chairman Dr Lalrozama, Ser-chhip DC hoin a pisaah an ṭhu-
khawm a; kum 2017-18 chhunga IWMP District Convergence Plan siam dan tur an sawiho.

Serchhip DC chuan, ruahmanna
ṭhain rah ṭha a chhuah ṭhin avangin ram mipuite tan a chhenfâkawm tih sawiin, "IWMP sum kan hmuhte hmanga rah
ṭha kan chhuah theihna atan ruahmanna ṭha tak kan duan a ngai. Ruahmanna ṭha kan neih theih nan line department-te'n fimkhur leh uluk taka hnathawh dan tur kan duan a ngai a ni," a ti.

Meeting-ah hian line department officer-te'n hmachhawp an neih leh an hmachhawp atana ṭha nia hriat hrang hrangte sawiho a ni a; chungte chu a taka thawh a nih theih nan mahni ṭheuha ruahmanna lo siam hmasa a, remchang hmasa bera enho leh an rel a ni.