Kawng chhia vangin truck an tlân lo; Kawng siam mek PWD Minister-in a en

Mizoram Truck Owners Association leh Mizoram Truck Drivers Association ruahman angin nimin aṭang khan Vairengte leh Sairang inkarah kawngpui chhe lutuk vangin truck an tlân lo a, an la tlan lo zui zel rih dawn. Kawngpui hi siam mek a ni a, nimin khan PWD minister Vanlalhlana'n kawngpui siam mek tlawhin, kawng thawm ṭhat mek chu February 15, 2025-ah zawh tum a nih thu a sawi.