Oil palm chungchang sawiho

Chief minister Lalduhoma chuan nimin khan a pisaah Oil Palm Operations North East chief general manager Ashok Kumar Singh leh Plantation and Nursery, Patanjali Foods deputy general manager Tapas Kumar Tripathy te a kâwm.

CM Lalduhoma hian Mizoram chhim lama oil palm chingtute harsatna sutkian dan tur leh a ṭul anga chìn belhna tur ruahmanna te, sawhthing, aieng leh hmarcha an lei dan turte a sawipui a ni.

Patanjali Food hian Mizoramah oil palm mill an din dawn a, kum khat chhunga inbun zawh theih an inbeisei. Mizoram chhim lam district - Serchhip, Lunglei, Lawngtlai leh Siaha district-a oil palm tharte sorkar rate ding lai angin an leisak dawn a, an mamawh khawp oil palm thar a la nih loh avangin chìn belhna lam pawh an ûm zui dawn nia sawi a ni.