Tlâkdâl siam ṭhat thuai phût

ZPM, Lai District chuan thuchhuah siamin, Lawngtlai Chandmary leh 71 RCC inkara Lawngtlai by-pass road siam zawh tâka NHIDCL hnuaia siamtute'n tlâkdâl (parapet) leh tui luankawr (side drain)-te ṭha lo taka an siam chu pawi an tih thu leh, a rang thei ang berin rintlak taka siam an phût thu an tarlang.

Lai District ZPM chuan, tlâkdâl siam chhe lutuk video social media-a darh an hmuh hnuah tlakdalte chu a hmunah an enfiah tih an sawi a, "NHIDCL hnuaia thawktute’n Lawngtlai by-pass road-a an hnathawh ṭha lo laite hi a hma thei ang bera siam ṭha thuai turin kan phût a ni," an ti.

ZPM, Lai District chuab, NHIDCL manager MD Ziaur Rahman leh site engineer-te an biak thu sawiin, "A theih anga siamṭhat hna thawh nghal an tum thu min hrilh," an ti. Hetih lai hian, Mizoram sorkar hnuaia hnathawh a ni lo chunga Mizoram sorkar tihhmingchhiat tum leh political party inchirhtheh nana social media-a thu thehdarh an awm chu pawi an tih thu an sawi bawk.