Kendriya Vidhyalaya, Aizawlah Quiz Competition buatsaih

Pariksha Pe Charcha 2025 pualin January 22, Nilaini khan Kendriya Vidyalaya, Aizawlah Quiz Competition buatsaih a ni a, Parakrama Divas (sipai huaisen ram tana nunna hlante) chungchang niin, sikul pasarih aṭangin zirlai 100 vel an tel.

Quiz Competition-ah hian sikul pasarih - Kendriya Vidhyalaya Aizawl, Kendriya Vidhyalaya MZU, Mizoram Institute of Comprehensive Education (MICE), JNV, Gorkha High School, AR-ELLS School, Greendland Higher Secondary School aṭangin zirlai 100 vel an tel a ni.

Quiz-a pakhatna Ryka Dutta, Class-IX, Kendriya Vidyalaya MZU, pahnihna SR Adithya, Class-IX, Kendriya Vidyalaya, MZU leh pathumna Liantluangpuii Pachuau, Class-IX, Kendriya Vidyalaya, Aizawl te hnenah lawmman pek a ni a; tel zawng zawng hnenah Narendra Modi lehkhabu ziah 'Exam Warrior’ pek a ni bawk.

Quiz Competition hawnna inkhawmah Kendriya Vidhyalaya, Aizawl officiating principal Jeanie R Zoremsiami'n quiz buatsaih chhan sawiin, Netaji Subhash Chandra-a huaisenna leh a thurin pawimawhna te, India zalen theihna tura huai taka a beih dante a sawi a; zirlaibu piah lamah an finna, theihna leh rilru puthmang tihmasawn zel turin zirlaite a chah.

Quiz hi 'Pariksha Pe Charcha' hmalakna kal zel a ni a; programme-in a tum chu, naupangte'n rilru ipik leh hlauthawng taka exam an hmachhawn lohna tura hmalak a ni.