Naktukah Republic Day lawm dawn

January 26, naktuk Pathianni hi Republic Day a ni a, India ram pumah lawm a ni dawn. Mizoramah chuan zing lamah lawm tura ruahman a ni a, Aizawlah chuan Lammualah zing dar 7:30-ah Governor Gen. VK Singh hoin hman a ni ang.

Lammuala Republic Day lawmnaah hian Larsap chuan India hnam puanzar a pawh pharh hnuah parade contingent-te a endik ang a, Republic Day thuchah a sawi hnuah national/state award leh lawmman dangte a sem ang. Chawhnu dar 12:30-ah Governor chenna Raj Bhavan-ah sawm bikte tan thingpui ruai (At Home) buatsaih a ni dawn bawk.

Republic Day lawmna hi Doordarshanb Kendra (DDK) Aizawl, ZONET (Zawlbuk) leh LPS (LPS1)-ahte live-a tihchhuah a ni dawn a, an youtube channel ṭheuhah an pe chhuak bawk ang. R-Day lawmnaah hian a duh apiang tan tel theih a ni.

Republic Day pual hian zing ni chhuah aṭangin sorkar building hrang hrangah hnam puanzar zar a ni ang.