NGO Darpan Portal-ah inziah luh a ngai

Tlawmngai pawl (non-profit organisation) zinga state sorkar hnuaia department leh sorkar laipui hnuaia ṭanpuina dil ṭhinte chu NITI Aayog hnuaia NGO Darpan Portal-ah an inziah luh a ngai tawh dawn.

NITI Aayog chuan thuchhuah siamin, scheme ṭhenkhat kalpuia thawk ṭhin pawlte chu NITI Aayog hnuaia NGO Darpan Portal-ah an inziah luh a ngaih bakah, unique identity (UID) number an neih a ngaih tawh thu a tarlang a, "Portal-ah hian pawlte chuan UID nei turin an inziak lut thei a, he number hi India sorkar ministry/department aṭanga grant diltu pawl zawng zawng tan tih ngei tur a ni," a ti.

NGO DARPAN PORTAL HIGHLIGHT

• Central sorkara ministry/department aṭanga an sum hmuh leh pek chhuahna zawng zawngte a awm bakah, tlawmngai pawl blacklist-te a awm.

• NPO kaltlanga scheme kalpui dan buaipuitu state sorkar department-te'n thutlukna siamna atan NGO Darpan dashboard an hmang thei.

• NPO/NGO blacklist-te'n sorkar laipuia ministry/department dang aṭangin ṭanpuina an hmu thei tawh dawn lo.

• Blacklist tarlan a nih hnuah inbumna a ziaawm chho.