HBC-in National Voter's Day hmang

Hrangbana College-a Department of Political Science, Public Administration leh Electoral Literacy Club-te chuan nimin khan HBC Golden Hall-ah National Voter's Day pualin hun an hmang a; associate professor Dr Marie Zodinpuii'n kaihruaiin, associate professor Dr H Lalzuithangi'n thu a sawi.

Inkhawmah hian Electoral Literary Club in-charge Lalhruaitluangi kaihhruaiin zirtirtu leh zirlaite chu India ram inpumkhatna vawng tur leh sakhua emaw, hnam emaw vanga hleih nei loa vote thlak zel turin thu an tiam a; February 12, 2025-a Mizoram VC/LC inthlan turah vote thlak ngei turin zirlaite'n thu an tiam bawk.

National Voter's Day hi kum 2011 aṭangin kum tin January 25-ah hman a ni ṭhin a, kuminah chuan Inrinni a nih avangin HBC chuan nimin khan an hmang. Kumin National Voter's Day thupui chu 'Nothing like voting, I vote for sure' tih a ni.