Vaihlo aṭanga siam zawrh khap

Aizawl district magistrate Lalhriatpuia chuan thupek chhuahin, zirna-in aṭanga ft. 300 huam chhungah vaihlo aṭanga siam chi hrang hrang leh e-cigarette bakah, mihring tana thil pawi theite zawrh leh hralh khap a nih thu a puang. Thupek zâwm lote chu dan hmanga hrem theih a ni.

Aizawl Bawrhsap chuan, "Ministry of Home Affairs-in khawtlang mipui an hrisel zawk nana khauh takin 'The Prohibition of Electronic Cigarettes (Production, Manufacture, Import, Export, Transport, Sale, Distribution, Storage and Advertisement) Act, 2019' a kalpui mek a, zirna-in awmna aṭanga ft. 300 (yard 100) huam chhungah mi tu mahin vaihlo aṭanga siam thil hrang hrang leh e-cigarette-te an zuarin an hralh tur a ni lo," a ti.