NDMA team-in Mamit an tlawh

National Disaster Management Authority (NDMA) team chuan nimin tlai khan Mamit district an tlawh a, Mamit bawrhsap K Laltlawmlova hoin district official-te'n Mamit DC office-ah an lo dawngsawng.

Mamit DC chuan, NDMA team-in Mamit district an tlawh chu lawmawm a tih thu sawiin, Mamit DDMA-in a hma a lak tawhnate leh an hmachhawpte a sawi a, "Kan district hi disaster management lamah thuam ṭhat a ṭul hle," a ti a, hmasawnna awm thei hrang hrangte NDMA-te a hrilh.

Mamit tlawhtu NDMA team hi senior consultant Priyank Walia, consultant Dr Vazeem Iqbal leh under secretary Saroj Kujur te an ni a; ṭhutkhawmna zawhah Mamit khawpui chhunga leiminna hmun hrang hrang leh lei tlahniam awmnate an tlawh a ni.